| (କ) | ଓଡ଼ିଶା ସରକାରୀ ଭାଷା ଅଧିନିୟମ, ୧୯୫୪ର ବ୍ୟବସ୍ଥା ଅନୁଯାୟୀ ଓଡ଼ିଆ ଭାଷାକୁ ସରକାରୀ ଭାଷା ରୂପେ ବ୍ୟବହାର କରିବା ପାଇଁ ପ୍ରୋତ୍ସାହନ ଦେବା |
| (ଖ) | ଓଡ଼ିଆ ଭାଷାକୁ ପ୍ରଶାସନ, ଶିକ୍ଷା ଓ ସଞ୍ଚାରର ମାଧ୍ୟମ ରୂପେ ସବୁ ସ୍ତରରେ ବ୍ୟବହାରକୁ ସୁନିଶ୍ଚିତ କରିବା |
| (ଗ) | ଏହି ପ୍ରତିଷ୍ଠାନ ସହ ସଂଶ୍ଳିଷ୍ଟ ବିଭିନ୍ନ ବିଭାଗ/ଅନୁଷ୍ଠାନ ସହିତ ସମନ୍ୱୟ ରକ୍ଷା କରି ଓଡ଼ିଆ ଭାଷା ଓ ଲିପି ସମ୍ପର୍କରେ ଗବେଷଣା ଆଦି କାର୍ଯ୍ୟ ସମ୍ପାଦନ କରିବ ଏବଂ ଯେଉଁ କାର୍ଯ୍ୟ ଓଡ଼ିଶା ସାହିତ୍ୟ ଏକାଡ଼େମୀ/ବିଶ୍ୱ ବିଦ୍ୟାଳୟ କରିଛନ୍ତି କିମ୍ୱା କରି ସାରିଛନ୍ତି, ତାହାକୁ ଛାଡ଼ି ନୂତନ କାର୍ଯ୍ୟକ୍ରମମାନ ଗ୍ରହଣ କରିବ । |
| (ଘ) | ଭବିଷ୍ୟତ ପିଢ଼ିପାଇଁ ଓଡ଼ିଆ ଭାଷା ଓ ଲିପିକୁ ଲୋକପ୍ରିୟ କରିବା ଉଦ୍ଦେଶ୍ୟରେ ଯୁଗୋପଯୋଗୀ ଶବ୍ଦକୁ ନେଇ ଓଡ଼ିଆ ଭାଷାକୁ ସରଳୀକରଣ କରିବା ପାଇଁ ଆବଶ୍ୟକୀୟ ପଦକ୍ଷେପ ନେବା ଓ ନୂତନ ବର୍ଣ୍ଣବୋଧର ପ୍ରକାଶ ସହିତ ଭାଷାକୁ ସମୃଦ୍ଧ କରିବା ପାଇଁ ନିର୍ଦ୍ଦିଷ୍ଟ ବ୍ୟାକରଣ, ଅଭିଧାନ ପ୍ରଭୃତି ସରକାରୀ ଛାପାଖାନାରେ ଛପାଯାଇ ସୁଲଭ ମୂଲ୍ୟରେ ଲୋକଙ୍କ ପାଖରେ ପହଞ୍ଚାଇବାର ବ୍ୟବସ୍ଥା କରିବା ସହିତ ଏହିସବୁ ପୁସ୍ତକ ଇଣ୍ଟରନେଟରେ ରାଜ୍ୟ ପୋର୍ଟାଲରେ ପ୍ରକାଶ କରିବ । |
| (ଙ) | ଲୋକ ସାହିତ୍ୟ ସମ୍ପର୍କିତ ଦୁର୍ଲଭ ପୁରାତନ ପୁସ୍ତକଗୁଡ଼ିକର ପୁନଃ ପ୍ରକାଶନ ଓ ପ୍ରସାରଣ କରିବ ।; |
| (ଚ) | ଗୋଟିଏ ବିଶେଷଜ୍ଞ ଦଳ ଗଠନ କରି ‘ଓଡ଼ିଆ ଭାଗବତ’ ଭଳି ୨୦-୨୫ଟି ଉପାଦେୟ ବହି କାର୍ଯ୍ୟନିର୍ବାହୀ କମିଟି ଯେପରି ସମୟସୀମା ଧାର୍ଯ୍ୟ କରିବେ ଓ ସେହି ସମୟ ମଧ୍ୟରେ ପ୍ରସ୍ତୁତ କରି ତାହା ବିଶ୍ୱବ୍ୟାପୀ ଇଣ୍ଟରନେଟ୍ ମାଧ୍ୟମରେ ଯେପରି ଲୋକ ପାଇପାରିବେ, ତାହାର ବ୍ୟବସ୍ଥା କରିବା ଓ ସମୟକ୍ରମେ ସେହି ପୁସ୍ତକ ଛାପି ଲୋକଙ୍କୁ ସୁଲଭ ମୂଲ୍ୟରେ ଯୋଗାଇଦେବା ପାଇଁ ଆବଶ୍ୟକ ବ୍ୟବସ୍ଥା କରିବା; |
| (ଛ) | କମ୍ପ୍ୟୁଟରରେ ଓଡ଼ିଆ ଭାଷାର ବ୍ୟବହାର ଉପଯୋଗ ଓ ପ୍ରସାର କରିବା ଏବଂ ତତ୍ ସଂପୃକ୍ତ କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା ପାଇଁ "ଓଡ଼ିଆ ଭାଷା ପ୍ରତିଷ୍ଠାନ", ଓକାକ୍ (OCAC) ସଂଗରେ ସମନ୍ୱୟ ରକ୍ଷା କରି, କାର୍ଯ୍ୟ କରିବା; |
| (ଜ) | ଓଡ଼ିଆ ଭାଷାର ଅତୀତ ଓ ବର୍ତ୍ତମାନ ଉପରେ ଗବେଷଣା କରି ଭବିଷ୍ୟତରେ ଏହାକୁ ଏକ ସମୃଦ୍ଧ ଭାଷା ଭାବେ ବିଶ୍ୱବିଖ୍ୟାତ କରିବା ପାଇଁ ଆବଶ୍ୟକୀୟ କାର୍ଯ୍ୟପନ୍ଥା ଗ୍ରହଣ କରିବା; |
| (ଝ) | ଆବଶ୍ୟକତା ଅନୁଯାୟୀ ଓଡ଼ିଆ ଭାଷାରେ ବିବିଧ ପ୍ରକାରର ଅଭିଧାନ, ବ୍ୟାକରଣ ଓ ଭାଷାତତ୍ତ୍ୱ ମୂଳକ ପୁସ୍ତକର ପ୍ରକାଶନ କରିବା; |
| (ଞ) | ଓଡ଼ିଆ ଭାଷା ଓ ଲିପିର ଇତିହାସ ଓ ବ୍ୟାକରଣ ପ୍ରଣୟନ ଓ ପ୍ରକାଶନ କରିବା; |
| (ଟ) | ଓଡ଼ିଆ ଭାଷା ସଂପର୍କରେ ଗବେଷଣା ମୂଳକ ପତ୍ରିକା ପ୍ରକାଶନ କରିବା; |
| (ଠ) | ଦେଶ ଓ ପ୍ରଦେଶ ବାହାରେ ଓଡ଼ିଆ ଭାଷା-ଭାଷୀ ରହୁଥିବା ଅଞ୍ଚଳର ଲୋକମାନଙ୍କୁ ଓଡ଼ିଆ ଭାଷାର ବ୍ୟବହାର ପାଇଁ ସୁବିଧା ପ୍ରଦାନ କରିବା; |
| (ଡ଼) | ଓଡ଼ିଆ ଭାଷା, ଶିକ୍ଷା, ପ୍ରଶାସନ ଓ ସଂଚାର ନିମନ୍ତେ ପାଠ୍ୟ ସାମଗ୍ରୀ ପ୍ରସ୍ତୁତି କ୍ଷେତ୍ରରେ ଏକ ଉପଦେଷ୍ଟା ସମିତି ଭାବେ କାର୍ଯ୍ୟ କରିବା; |
| (ଢ) | ବିଦ୍ୟାଳୟ ଓ ମହାବିଦ୍ୟାଳୟରେ କାର୍ଯ୍ୟ କରୁଥିବା ଶିକ୍ଷକମାନଙ୍କ ପାଇଁ କର୍ମଶାଳା, ସଂପାନ, ସମ୍ମିଳନୀ, ନୂତନ ଜ୍ଞାନ ଆହରଣ ସକାଶେ ପାଠ୍ୟକ୍ରମ ଓ ଅଭିମୁଖୀକରଣ ପାଠ୍ୟକ୍ରମ ସଂପର୍କରେ କାର୍ଯ୍ୟକ୍ରମର ଆୟୋଜନ କରିବା; |
| (ଣ) | ଓଡ଼ିଆ ଭାଷା ଓ ଲିପିର ସଂଚାର ଏବଂ ବିକାଶ ନିମନ୍ତେ ମାଧ୍ୟମିକ ଶିକ୍ଷା ପରିଷଦ, ଉଚ୍ଚ ମାଧ୍ୟମିକ ଶିକ୍ଷା ପରିଷଦ, ବିଶ୍ୱବିଦ୍ୟାଳୟ ଓ ପଞ୍ଜିକୃତ ଅନୁଷ୍ଠାନମାନଙ୍କର ସହଯୋଗ ଲୋଡ଼ିବା; ଏବଂ |
| (ତ) | କୃତି ଭାଷାବିତ୍ ଓ ବିଦ୍ୱାନମାନଙ୍କୁ ପୁରସ୍କାର ଓ ସମ୍ମାନ ପ୍ରଦାନ କରିବା; |